Yol polisi sürücülərə müraciət edib

Baş Dövlət Yol Polisi İdarəsinin həftəsonu səfərə hazırlaşan sürücülərə müraciət edib.

Müraciətdə bildirilir ki, respublika əhəmiyyətli avtomobil yollarında həftəsonu hərəkət intensivliyi nəzərəçarpacaq dərəcədə artır. Nəqliyyat axınının tənzimlənməsi üçün zəruri tədbirlər görülməsinə baxmayaraq, sürücülərin tələskənliyi və diqqətsizliyi səbəbindən həmin günlərdə daha ağır yol nəqliyyat hadisələri baş verir.

Baş Dövlət Yol Polisi İdarəsi həftəsonu, xüsusilə səfərə hazırlaşan sürücülərə müraciət edərək onları nasaz nəqliyyat vasitələri ilə yola çıxmaqdan çəkinməyə, yorğun, yuxusuz halda sükan arxasına əyləşməməyə, sürət rejiminə, ötmə və manevretmə zamanı təhlükəsizlik qaydalarına ciddi əməl etməyə, yol və hava şəraitini nəzərdən qaçırmamağa çağırır.

Unutmayaq ki, yol hərəkəti zamanı intizamlı olmaq özümüzə və başqalarına verdiyimiz dəyərdir!"