Prezidentdən Xəzər dənizinin dayazlaşması ilə bağlı - Açıqlama

Xəzər dənizi, təəssüf ki, bir sıra ciddi ekoloji problemlərlə üz‑üzədir. Ən aktual problemlərdən biri suyunun səviyyəsinin sürətlə azalmasıdır — dayazlaşma həm ekoloji, həm də iqtisadi təhlükə yaradır. 2022‑ci il keçirilmiş Altıncı Xəzər Sammiti çərçivəsində Azərbaycan Prezidenti İlham Əliyev bu məsələni gündəmə gətirmişdi. Lakin həmin vaxtdan bəri vəziyyət daha da pisləşib: “Xəzərin su səviyyəsi sürətlə azalır və bunun səbəbləri yalnız iqlim dəyişiklikləri ilə bağlı deyil.Bu sözləri Azərbaycan Prezidenti İlham Əliyev “Kazinform” agentliyinə müsahibəsində deyib.

Prezident bildirib ki, mövcud durumda Xəzəryanı ölkələr üçün sıx əməkdaşlıq qurmaq, elmi məlumat mübadiləsini fəal şəkildə həyata keçirmək və razılaşdırılmış tədbirlər hazırlamaq son dərəcə vacibdir. “Xəzər dənizinin səviyyəsinin enməsi və bununla bağlı ekoloji dəyişikliklər biomüxtəlifliyə və ekosistemin dayanıqlığına ciddi təhdid yaradır. Bu da təbiətin qorunması və ekoloji balansın bərpası üçün koordinasiyalı tədbirlərin görülməsini tələb edir.

Bundan əlavə, Prezident Əliyev vurğulayıb ki, Azərbaycan, Qazaxıstan və digər Xəzəryanı ölkələr bu su hövzəsinin mühafizəsinə yönəlmiş təşəbbüsləri regional və beynəlxalq platformalarda fəal şəkildə təbliğ edə bilməli və etməlidirlər. Artan transmilli ekoloji risklər fonunda Xəzər təkcə bir su hövzəsi olmaqdan çıxır və “ümumi məsuliyyətimizin, birgə fəaliyyət zərurətinin rəmzinə çevrilir.”