Trampa sui-qəsd təhlükəsi ilə bağlı istintaq aparılır

ABŞ prezidenti Donald Tramp Floridanın Palm-Biç beynəlxalq hava limanında təyyarəsinə gücləndirilmiş təhlükəsizlik tədbirləri altında minib. Bu, gizli xidmətin aerovağzal yaxınlığında şübhəli  qüllə aşkar etməsindən sonra baş verib.

Fox News xəbər verir ki, həmin mövqedən təyyarəyə birbaşa görünüş imkanı olub və potensial olaraq snayper mövqeyi kimi istifadə edilə bilərdi. Federal Təhqiqat Bürosunun direktoru Kaş Patel bildirib ki, məsələ ilə bağlı istintaq aparılır.

ABŞ Gizli Xidmətinin nümayəndəsi Entoni Qulielmi hadisənin təfərrüatlarını açıqlamasa da, bunun çoxsəviyyəli təhlükəsizlik tədbirlərinin əhəmiyyətini bir daha göstərdiyini deyib.

N.Təbrizli