Azərbaycan nefti ucuzlaşıb

Dünya bazarında "Azeri Light" markalı Azərbaycan neftinin bir barelinin qiyməti 0,34 ABŞ dolları və ya 0,55% azalaraq 61,83 ABŞ dolları səviyyəsinə düşüb. 

Hərracların nəticələrinə əsasən, "Brent" markalı neftin dekabr fyuçerslərinin qiyməti 60,57 ABŞ dolları təşkil edib.

Türkiyənin Ceyhan limanında FOB bazasında "Azeri Light" neftinin bir bareli 0,34 ABŞ dolları və ya 0,56% azalma ilə 59,91 ABŞ dollarına bərabər olub.

Azərbaycanın 2025-ci il dövlət büdcəsində bir barel neftin orta qiyməti 70 ABŞ dolları səviyyəsində nəzərdə tutulub.

Tarixi olaraq, "Azeri Light" neftinin ən aşağı qiyməti 2020-ci il aprelin 21-də 15,81 ABŞ dolları, ən yüksək qiyməti isə 2008-ci ilin iyul ayında 149,66 ABŞ dolları olaraq qeydə alınıb.

Azərbaycanda neft əsasən "Azəri-Çıraq-Günəşli" (AÇG) yataqlar blokunun işlənməsi barədə müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 31,65 faizdir.