ABŞ Maliyyə Nazirliyi Ağ Evdəki təmiri çəkməyi qadağan edib

ABŞ Maliyyə Nazirliyi əməkdaşlarına Ağ Evin Şərq qanadında aparılan təmir işlərinin fotolarını çəkməmək və paylaşmamaq barədə göstəriş verib. Bu baWall Street Journal xəbər verib.

Təmir işləri prezident Donald Trampın yeni bal zalı tikintisi layihəsi ilə bağlıdır. Maliyyə Nazirliyinin binası obyektə birbaşa baxış imkanı verdiyi üçün fotoların yayımlanması yalnız İctimaiyyətlə Əlaqələr İdarəsinin icazəsi ilə mümkündür.

“Söhbət Ağ Ev ərazisində aparılan tikinti işlərindən gedir. Əməkdaşlar ərazini, o cümlədən Şərq qanadını əvvəlcədən icazə almadan çəkməkdən çəkinməlidirlər,” – sənəddə deyilir.

Bundan əvvəl Washington Post yazmışdı ki, Trampın göstərişi ilə Ağ Evin bir hissəsinin söküntüsünə başlanılıb.

Layihənin dəyəri əvvəlcə $200 milyon hesablanıb, daha sonra $250 milyona qaldırılıb. Yeni zal 650 nəfərlik olacaq ki, bu da Şərq otağının tutumundan üç dəfədən çoxdur.

N.Təbrizli