Cenevrədə Azərbaycan və Ermənistan parlament sədrləri arasında görüş keçirilib

 Milli Məclisinin sədri Sahibə Qafarova və Ermənistan parlamentinin spikeri Alen Simonyan arasında görüş İsveçrənin Cenevrə şəhərində başlayıb. Görüş Parlamentlərarası İttifaqın (PİU) 151-ci Assambleyası çərçivəsində baş tutur.

Bu, iki ölkənin yüksək parlament nümayəndələri arasında keçirilən nadir birbaşa təmaslardan biridir və bölgədə davam edən normallaşma prosesinin diplomatik müstəvidə genişlənməsinin göstəricisi kimi qiymətləndirilir.

Görüşün dəqiq gündəliyi hələlik açıqlanmasa da, regional təhlükəsizlik, humanitar məsələlər və gələcək əməkdaşlıq formatlarının müzakirə ediləcəyi gözlənilir.

Parlamentlərarası İttifaq dünyanın 170-dən çox ölkəsinin parlamentlərini bir araya gətirən və siyasi dialoqu təşviq edən ənənəvi platformadır.

Gülnar