Tesla təxminən 13 min avtomobilini geri çağırır

ABŞ-nin elektrik avtomobil istehsalçısı Tesla, batareya paketininin komponentindəki problem səbəbindən təxminən 13 min avtomobilini geri çağıracağını açıqlayıb.Bu barədə xarici KİV xəbər verir.

Şirkətin müəyyən 2025 Model 3 və 2026 Model Y avtomobilləri geri çağırılacaq. Belə ki, nasazlıq halında avtomobillər güc itirə bilər ki, bu da qəza riski yaradır.

Geri çağırılacaq avtomobillərin sayı 12 963 olaraq bildirilir.

Tesla problemli komponenti pulsuz olaraq dəyişdirəcək. Avtomobil sahiblərinə bildiriş məktublarının 9 dekabr tarixində göndərilməsi planlaşdırılır.