Ermənistanda Masis icmasının rəhbərinə hökm oxunub

Ermənistanın Masis şəhərinin meri və Baş nazirliyə keçmiş namizəd Davit Ambartsumyan 6 il 3 ay müddətinə azadlıqdan məhrum edilib.Bu barədə vəkil Tiqran Atanesyan sosial şəbəkə hesabında paylaşım edib.

2018-ci il aprelin 22-də Erebuni rayonunda keçirilən etiraz aksiyası zamanı bir qrup şəxs aksiyanın iştirakçılarına hücum etmişdi. Hadisə ilə bağlı Davit Ambartsumyan, merin müavini Karen Ohanyan və bir neçə Masis sakini saxlanılmışdı. Daha sonra sabiq merin silah tətbiq etməklə xuliqanlıq ittihamı da irəli sürülmüşdü.

Onu da bildirək ki, bundan bir neçə gün öncə Gümrü şəhərinin meri Vardan Qukasyan və şəhərin baş memarı Henrix Qasparyan korrupsiya ittihamları ilə bağlı həbs edilmişdi.