“e-sosial” portalı 80-dən çox informasiya bazası ilə inteqrasiya olunub

Hazırda e-sosial” internet portalının 16 alt sistem və 4 reyestrdən ibarət olmaqla, 80-dən çox elektron informasiya bazası ilə inteqrasiya olunub.  Bunu Əmək və Əhalinin Sosial Müdafiə Naziri Anar Əliyev deyib. 

Nazirin sözlərinə görə, 150 xidmətin 90 faizi elektronlaşdırılıb, onlardan bir çoxu proaktiv qaydada — yəni vətəndaşın müraciətinə ehtiyac qalmadan avtomatik formada təqdim olunur.

Bu islahatlar sayəsində şəffaflıq artırılıb, vətəndaşlara operativ xidmət göstərilməsi təmin olunub və kağız sənəd dövriyyəsi minimuma endirilib. Rəqəmsal yanaşma həm sosial təminat sisteminin səmərəliliyini artırır, həm də vətəndaş məmnunluğunu gücləndirir",- nazir vurğulayıb.

 Azərbaycan Respublikası Nazirlər Kabinetinin 2019-cu il 15 avqust tarixli 634 nömrəli Qərarı ilə Əmək və Əhalinin Sosial Müdafiəsi Nazirliyində mərkəzləşdirilmiş elektron informasiya sistemi və “e-sosial” internet portalı təsdiqlənib.

Aytac Zeynalova