Deputat: Prezident Əliyevin Astanadakı bəyanatı regional münasibətlərdə yeni mərhələ açır

Milli Məclisin deputatı Zahid Oruc Prezident İlham Əliyevin Astanada səsləndirdiyi bəyanatı “tarixi dönüş nöqtəsi” kimi dəyərləndirib.

Onun sözlərinə görə, Azərbaycanın Ermənistana qoyduğu tranzit məhdudiyyətlərinin aradan qaldırılması regionda iqtisadi və siyasi əlaqələrin normallaşmasına xidmət edəcək.

Deputat bildirib ki, bu qərarın ilk tətbiqi Qazaxıstan taxılının Ermənistan üzərindən daşınması ilə başlayıb. O, Ermənistan baş naziri Nikol Paşinyanın addımı müsbət qarşılayaraq tranzit əməkdaşlığına hazır olduqlarını bildirməsini “yeni regional reallıqların göstəricisi” adlandırıb.

Zahid Oruc qeyd edib ki, Astanadakı bəyanat 30 illik münaqişədən sonra Azərbaycan və Ermənistan arasında yaranan kövrək etimad mühitinin möhkəmlənməsinə təkan verəcək. Onun fikrincə, son dövrlərdə Cenevrədə iki ölkənin parlament rəhbərlərinin görüşü və vətəndaş cəmiyyəti nümayəndələrinin qarşılıqlı səfərləri də bu prosesin tərkib hissəsidir.

Gülnar Nazimqızı