Polis iki gün ərzində 70 cinayətin açılmasını təmin edib

Oktyabrın 25–26-da ölkə ərazisində 69 yeni, əvvəlki dövrlərdən bağlı qalan 1 cinayətin açılması təmin olunub. Bu barədə Daxili İşlər Nazirliyindən məlumat verilib.

Hesabat dövründə 25 nəfər axtarışda olan şəxs, o cümlədən 11 borclu şəxs saxlanılaraq aidiyyəti üzrə təhvil verilib. Polis əməkdaşları tərəfindən narkotiklərlə əlaqəli 23 fakt və qanunsuz silah-sursatla bağlı 11 hal aşkarlanıb.

Ümumilikdə 60 nəfər cinayət törətməkdə şübhəli bilinərək saxlanılıb. Həmçinin 8 nəfər ailə üzvlərini məlumatlandırmadan evdən getdiyinə görə itkin kimi axtarışda olan şəxs tapılaraq ailələrinə təhvil verilib.

Nazirlikdən bildirilib ki, keçirilən əməliyyat tədbirləri zamanı dələduzluğa görə axtarışda olan 4 nəfər saxlanılaraq istintaqa təhvil verilib.

Gülnar