Çexiyada yük maşını ilə toqquşan qatar relsdən çıxıb

Çexiyanın Belçitse və Brjeznitsa şəhərləri arasında sərnişin qatarı yük maşını ilə toqquşduqdan sonra relsdən çıxıb.Bu barədə Çexiya Dəmir Yollarının Fövqəladə Halların İdarə Edilməsi Agentliyinin nümayəndəsi Martin Kavka bildirib.

Mərkəzi Çexiya diyarının təcili yardım xidmətinin nümayəndəsi Monika Novakova bildirib ki, altı nəfərə tibbi yardım göstərilib; onlardan biri ağır xəsarətlər aldığı üçün helikopterlə Plzen şəhərindəki xəstəxanaya göndərilib.

Polis nümayəndəsi Pavel Truksa vurğulayıb ki, qəza zamanı qatarın və yük maşınının sürücüləri kabinadan xilasedicilər tərəfindən çıxarılıb.Qatarda təxminən 20 sərnişin olub və onların hamısı təxliyə edilib.