“Lukoil” sanksiyalardan sonra xarici aktivlərini satmağı planlaşdırır

Rusiyanın “Lukoil” şirkəti bir sıra ölkələrin şirkətə və onun törəmə müəssisələrinə qarşı sanksiyalar tətbiq etməsindən sonra xaricdəki aktivlərini satmağı planlaşdırdığını açıqlayıb.

Bloomberg yazır ki, Vaşinqton Almaniyaya “Rosneft”in Almaniyadakı aktivləri ilə bağlı mülkiyyət məsələsini həll etmək üçün altı ay vaxt verib.

Almaniya hökuməti 2022-ci ilin sentyabrında Rosneft Deutschland və RN Refining & Marketing GmbH şirkətlərini nəzarətə götürərək, Şvedtdəki PCK, Karlsrue’dəki Miro və Vohburqdakı Bayernoil neft emalı zavodlarında pay əldə edib.

Politico nəşri isə Avropa İttifaqının “Lukoil” ilə maliyyə əlaqələrinin kəsilməsi və əməliyyatların qadağan olunması istiqamətində tədbirlər hazırladığını yazıb.

“Lukoil” hələ də Bolqarıstan və Rumıniyada zavodlara, Avropa boyunca isə yanacaqdoldurma məntəqələrinə malikdir.

ABŞ Maliyyə Nazirliyi oktyabrın 22-dən 23-nə keçən gecə “Lukoil” və “Rosneft”ə qarşı sanksiyalar tətbiq edib, Rusiyanı “sülh prosesinə ciddi maraq göstərməməkdə” ittiham edib.

Sanksiyalar həmçinin Rusiyada yerləşən 34 törəmə şirkəti əhatə edir.

N.Təbrizli