Yeni Klinikada 800 mindən çox topuq testi aparılıb

2025-ci ilin ilk doqquz ayı ərzində Yeni Klinikada 847 644 topuq testi müayinəsi aparılıb. Müayinədən keçən 169 529 yenidoğulmuşdan 114-nün nəticəsi pozitiv çıxıb.

Nəticələrlə bağlı valideynlər aidiyyəti tibb müəssisələrinə dəvət olunub, onlara hansı ixtisaslı həkimə müraciət etməli olduqları barədə məlumat verilib və maarifləndirici görüşlər keçirilib.

TƏBİB tabeli doğum şöbələrində götürülən qan nümunələri Yeni Klinikanın xüsusi laboratoriyasına göndərilir.

Burada “Guthrie kartları” üzərində fenilketonuriya, qalaktozemiya, kistik fibroz, adrenogenital sindrom və hipotiroidizm kimi irsi xəstəliklərin izləri araşdırılır.

Topuq testləri və bu xəstəliklərin müalicəsi dövlət tibb müəssisələrində İcbari Tibbi Sığorta Xidmətlər Zərfi çərçivəsində həyata keçirilir.

N.Tebrizli