BƏƏ parlament sədri: Azərbaycandakı inkişaf davamlı və strateji xarakter daşıyır

Azərbaycanda müşahidə olunan inkişaf müvəqqəti deyil və davamlı xarakter daşıyır. Bunu Birləşmiş Ərəb Əmirliklərinin Federal Milli Şurasının sədri Səqr Qobaş  "Konstitusiya müasir dünyada dövlətlərin müstəqilliyinin və suverenliyinin təməli kimi" mövzusuna həsr olunan konfransda bildirib.

Onun sözlərinə görə, iki ölkə arasında əməkdaşlıq təhsil, səhiyyə və enerji kimi prioritet sahələri əhatə edir və bu, tərəfdaşlığın dəyərini göstərir.

“BƏƏ və Azərbaycan arasındakı münasibətlər qarşılıqlı hörmət, ortaq maraqlar və gələcəyə yönəlmiş əməkdaşlıq prinsipləri üzərində qurulub,” – Qobaş qeyd edib.

Birləşmiş Ərəb Əmirlikləri və Azərbaycan son illərdə enerji, logistika və investisiya sahələrində əlaqələri genişləndirib. BƏƏ Azərbaycanın bərpa olunan enerji layihələrində əsas tərəfdaşlardan biri kimi çıxış edir, xüsusilə də Qaradağ günəş elektrik stansiyasının inşasında iştirak edib.

Gülnar Nazimqızı