Rumıniya Azərbaycanın ərazi bütövlüyünü və beynəlxalq hüququ dəstəkləyir - Senatın sədri

Rumıniya beynəlxalq hüququn prinsiplərini və Azərbaycanın ərazi bütövlüyünü dəstəkləyir. Bunu Rumıniya Senatının sədri Mircea Abrudean  "Konstitusiya müasir dünyada dövlətlərin müstəqilliyinin və suverenliyinin təməli kimi" mövzusuna həsr olunan konfransda bildirib.

“Rumıniya etibarlı tərəfdaşdır. Azərbaycanın beynəlxalq etimadının möhkəmlənməsi istiqamətində ölkəyə uğurlar arzulayıram,” – Abrudean deyib.

Azərbaycan və Rumıniya arasında strateji tərəfdaşlıq enerji, nəqliyyat və müdafiə sahələrini əhatə edir. Rumıniya Azərbaycanın Avropaya enerji ixracında mühüm tranzit və tərəfdaş ölkə kimi çıxış edir. 2023-cü ildə tərəflər enerji təhlükəsizliyi və yaşıl enerji üzrə birgə təşəbbüsləri genişləndirmək barədə razılığa gəliblər.

Gülnar Nazimqızı