Azərbaycan və Kamboca milli sülh uğrunda oxşar tarix yaşayıb - Kamboca rəsmisi

Kamboca və Azərbaycan sülh uğrunda mübarizə baxımından oxşar tarixi təcrübəyə malikdirlər. Bunu Kamboca Milli Assambleyasının ikinci vitse-prezidenti Sauth Vonq  "Konstitusiya müasir dünyada dövlətlərin müstəqilliyinin və suverenliyinin təməli kimi" mövzusuna həsr olunan konfransda bildirib.

“Hər iki xalq sülh naminə çətinliklərdən keçib. Son 20 ildə sülh üçün minnətdarlıq ifadəsi Kambocanın əsas dəyərlərindən biridir,” – Vonq deyib.

O əlavə edib ki, bu gün Kambocanın ərazi bütövlüyü qonşu ölkə tərəfindən təhdidlə üzləşib.

“Sürətlə dəyişən beynəlxalq nizam şəraitində ciddi sınaqlarla üzləşirik. Sülhə və həmrəliyə təhdid yaradanlara qarşı birgə mübarizə aparmalıyıq,” – o vurğulayıb.

Gülnar Nazimqızı