Azərbaycanda françayzinq bazarının payı ÜDM-in 0,1 faizindən azdır

Azərbaycanda françayzinq sektoru hələ ilkin inkişaf mərhələsindədir və ümumi daxili məhsulda (ÜDM) payı 0,1 faizdən az təşkil edir. Bu barədə Azərbaycan Françayz şirkətinin təsisçisi Elnur İslamov Avrasiya Françayz Forumunda çıxışı zamanı deyib.

O bildirib ki, ABŞ-da 810 mindən çox françayzinq nöqtəsi fəaliyyət göstərir və illik dövriyyə 900 milyard dollara yaxın olub, ölkə ÜDM-nin 3,5 faizini təşkil edir. 

Fransada bu göstərici 92 min nöqtə və 100 milyard dollar dövriyyə ilə 15 faiz paya bərabərdir.

Türkiyədə 43 mindən çox françayzinq nöqtəsi fəaliyyət göstərir, illik dövriyyə isə 70 milyard dollara çatır. 

Qazaxıstanda bu rəqəm 4 min, Özbəkistanda isə 2,5 min civarındadır.

Azərbaycanda hazırda təxminən 20 françayzinq nöqtəsi mövcuddur və illik dövriyyə 0,03 milyard dollar (30 milyon dollar) səviyyəsində qiymətləndirilir.

 Gülnar Nazimqızı