Mirzoyanın xanımı Azərbaycanla bağlı komissiyada yer alacaq

Ermənistanın Baş naziri Nikol Paşinyan iki ölkə arasında kommunikasiya xətlərinin açılması üzrə komissiyanın yenilənmiş tərkibini təsdiqləyib.Bu barədə “Armenpress” məlumat yayıb.

Bildirilib ki, komissiyaya Baş nazirin müavini Mher Qriqoryan sədrlik edəcək. Yeni tərkibdə beynəlxalq hüquqi məsələlər üzrə nümayəndə Karen Andreasyan, Baş nazirin müşaviri Artashes Tumanian və Təhlükəsizlik Şurası ofisinin rəhbəri Anahit Şirinyan və “İnvestisiyaların dəstəyi mərkəzi” fondunun direktoru Qoar Abacyan da yer alıblar.

Qoar Abacyan Ermənistanın XİN rəhbəri Ararat Mirzoyanın həyat yoldaşıdır.

Komissiya iki ölkə arasında nəqliyyat və kommunikasiya xətlərinin bərpası üzrə danışıqları davam etdirəcək.