Əfqanıstanda 6,3 bal gücündə zəlzələ azı 10 nəfərin həyatına son qoyub, 260 nəfər yaralanıb

Noyabrın 3də Əfqanıstanın şimalındakı Məzari-Şərif şəhəri yaxınlığında baş verən 6,3 bal gücündə zəlzələ nəticəsində azı 10 nəfər ölüb, 260 nəfər yaralanıb.

Talibanın nəzarətində olan Müdafiə Nazirliyinin məlumatına görə, Bəlx və Samanqan əyalətləri zəlzələdən ən çox zərər çəkən bölgələr olub.

Hadisə yerinə dərhal hərbi xilasetmə və təcili yardım qrupları göndərilib.

Onlar dağıntılar altından insanların xilas edilməsi, yaralıların təxliyyəsi və zərərçəkən ailələrə yardım göstərilməsi əməliyyatlarına başlayıblar.

Rəsmilər ölənlərin sayının artacağını istisna etmir.

Aytac