Deputat:Elmə ayrılan vəsait çox aşağıdır

Milli Məclisin deputatı Qüdrət Həsənquliyev Elmlər Akademiyası ilə bağlı çıxışında Azərbaycanda elmin maliyyələşməsinin kifayət qədər olmadığını bildirib. Deputatın sözlərinə görə, elmə cəmi 229 milyon manat, beynəlxalq tədbirlərin təşkili üçün isə 239 milyon manat ayrılıb.

“Bütün inkişaf etmiş ölkələrdə elmə ayrılan vəsait ÜDM-in təxminən 2,2 faizini təşkil edir. Bizdə isə bu rəqəm cəmi 0,2 faizdir. Belə olan halda elmdə ciddi nailiyyətlərdən danışmaq mümkün deyil", — Həsənquliyev parlament iclasında deyib.

Deputat həmçinin xarici ezamiyyətlərin sayının azaldılmasını təklif edib və qeyd edib ki, elmi inkişaf üçün əsas diqqət daxili potensialın gücləndirilməsinə yönəldilməlidir.

Gülnar Nazimqızı