Putin hərbi xidmətə çağırışın il boyu aparılması haqqında qanunu imzalayıb

Rusiya prezidenti Vladimir Putin hərbi xidmətə çağırışın il boyu aparılması haqqında qanunu imzalayıb.Bu barədə “RBK” məlumat yayıb.

Sənədə əsasən, il ərzində tibbi müayinələr, psixoloji seçim və çağırış komissiyalarının iclasları fasiləsiz şəkildə keçiriləcək. Lakin qanunda qeyd olunur ki, hərbi xidmətə faktiki göndərişlər əvvəlki qaydada ildə iki dəfə həyata keçiriləcək ki, bunlar da 1 aprel-15 iyul və 1 oktyabr-31 dekabr tarixləridir.

Yeni qanunun məqsədi çağırış prosesini daha sistemli və davamlı şəkildə təşkil etmək, eləcə də müdafiə resurslarının idarə olunmasını asanlaşdırmaqdır.