"Lukoil" Bakıya neft tədarükünü dayandırıb

"Lukoil" Xəzər yataqlarından neftin Bakı limanına daşınmasını dayandırıb və Novorossiysk vasitəsilə ixrac üçün Mahaçqala limanına daşınmasına başlayıb.Bu barədə "Reuters" məlumat yayıb.

Agentliyin mənbələrinə görə, Rusiya bayrağı altında üzən "Lady Leila" tankeri 6 noyabrda Mahaçqalaya çatacaq və Korçagin yatağından 5000 ton neft daşıyacaq.

Noyabr ayında "Lukoil" Mahaçqala limanına təxminən 30.000 ton neft çatdıracaq və dekabr ayından etibarən Bakıya göndərilən bütün xam neft həcmini - təxminən 130.000 ton - Rusiya limanına yönləndirəcək.

Mahaçqaladakı limandan neft "Daqnefteprodukt" neft anbarına ötürülür. Daha sonra xam neft Bakı-Novorossiysk nəqliyyat sisteminin bir hissəsi olan Mahaçqala-Novorossiysk boru kəmərinə ötürülür. Bu neft ixrac üçün nəzərdə tutulub. Mahaçqaladakı neft terminalının ötürmə gücü ayda təxminən 400 min tondur.