Rusiyalılar üçün Şengen çoxgirişli vizalarının verilməsi dayandırılıb

Avropa Komissiyası Rusiya vətəndaşlarına çoxgirişli Şengen vizalarının verilməyəcəyini açıqlayıb. Rusiyalılar hər dəfə Avropa İttifaqına səfər planlaşdırdıqda yenidən viza üçün müraciət etməli olacaqlar.

Məlumata görə, qərar oktyabrın sonunda qəbul edilən Aİ-nin 19-cu sanksiya paketi qüvvəyə mindikdən sonra qüvvədə olub. Hərçənd sənəddə rusiyalılar üçün viza rejiminin sərtləşdirilməsi birbaşa göstərilməyib, ANSA, DPA və Politico agentliklərinin mənbələri bildiriblər ki, çoxgirişli vizaların məhdudlaşdırılması məsələsi Avropa qurumlarında aktiv müzakirə olunub.

Avropa Komissiyası bununla yanaşı, rusiyalılara vizaların tam qadağan edilmədiyini vurğulayıb.

N.Təbrizli