Çin prezidenti G20 sammitinə qatılmayacaq- ABŞ və Rusiya da yüksək səviyyədə təmsil olunmur

Çinin prezidenti Si Cinpin Cənubi Afrikada noyabrın 21–22-də Yohannesburqda keçiriləcək G20 sammitində iştirak etməyəcək. Bunu Çin Xarici İşlər Nazirliyinin sözçüsü bildirib. 

Pekini tədbirdə baş nazir Li Keqiang təmsil edəcək.

Sammitdən əvvəl ABŞ prezidenti Donald Tramp da iştirakdan imtina edib.

O, Truth Social hesabında Cənubi Afrikadakı vəziyyəti “mütləq biabırçılıq” adlandıraraq yazıb ki, insan haqları pozuntuları davam etdikcə ABŞ hökuməti tədbirə heç bir nümayəndə göndərməyəcək.

Rusiya prezidenti Vladimir Putin də sammitə qatılmayacaq.

Moskvanı prezident administrasiyası rəhbərinin müavini Maksim Oreşkin başçılıq edəcək nümayəndə heyəti təmsil edəcək.

G20-nin bu dəfəki toplantısı dünya liderlərinin iştirakı baxımından ən az yüksək səviyyəli təmsilçiliklə keçən sammitlərdən biri olacaq.

Gülnar