BBC Trampdan üzr istəyib

BBC ABŞ prezidenti Donald Trampın çıxışının bəzi hissələrinin redaktə olunması ilə bağlı “Panorama” proqramında yol verilən səhvə görə üzr istəyib, lakin prezidentin tələb etdiyi təzminatı ödəməkdən imtina edib.

Korporasiya filmin yenidən yayımlanmayacağını açıqlayıb.

Trampın hüquqşünasları BBC-ni efirdə üzr istəməyə və təzminat ödəməyə çağırmış, əks halda 1 milyard dollarlıq məhkəmə iddiası qaldıracaqlarını bildirmişdilər.

BBC-nin sözçüsü bildirib ki, korporasiyanın hüquq qrupunun cavab məktubu artıq Tramp tərəfinə göndərilib.

BBC-nin sədri Samir Şah da Ağ Evə ayrıca məktub yazaraq, prezidentə 6 yanvar 2021-ci il çıxışının proqramda redaktə olunmasından təəssüfləndiklərini çatdırıb.

BBC bundan sonra “Tramp: İkinci Şans” sənədli filmini öz platformalarında yayımlamayacağını bəyan edib.

Gülnar