Deputat: Azərbaycan–Özbəkistan ticarət dövriyyəsi beş ilə 3 dəfə artıb

Son 5 ildə Azərbaycan ilə Özbəkistan arasında ticarət dövriyyəsi üç dəfə artaraq 2024-cü ildə 252 milyon dollara çatıb. Bunu deputat Vüqar Bayramov öz sosial hesabında bildirib. 

O bildirib ki, 2025-ci ilin yanvar-sentyabr aylarında isə bu göstərici ötən ilin eyni dövrü ilə müqayisədə 87,5 faiz artaraq 319 milyon dollar təşkil edib.

Onun sözlərinə görə, cari ilin ilk 9 ayında ticarət dövriyyəsi bütövlükdə əvvəlki ilə nisbətən 27 faiz çoxdur və bu, tərəflər arasında illik artımın qorunduğunu göstərir.

Bayramov vurğulayıb ki, bu dinamika Azərbaycan və Özbəkistan arasında strateji münasibətlərin inkişaf səviyyəsini təsdiqləyən əsas meyarlardan biridir.

Deputat qeyd edib ki, Türk Dövlətləri Təşkilatının üzvü olan iki ölkə enerji və qeyri-enerji sahələrində yeni əməkdaşlıq potensialına malikdir.

Azərbaycanın Özbəkistanla nəqliyyat, logistika, kənd təsərrüfatı və birgə sərmayə yatırımları üzrə əməkdaşlığı genişlənir.

Qarabağın bərpası prosesinə Özbəkistan aktiv dəstək göstərib. Belə ki, Füzuli şəhərində Özbəkistan tərəfindən müasir məktəb tikilir. 

Eyni zamanda hHər iki ölkənin dövlət başçılarının son illərdə baş tutan qarşılıqlı səfərləri və Türk Dövlətləri Təşkilatındakı əməkdaşlıq formatı Bakı–Daşkənd münasibətlərinin daha da möhkəmlənməsinə şərait yaradıb.

Gülnar Nazimqızı