Uşaqların Denver metodologiyası ilə qiymətləndirilməsi layihəsi həyata keçirilib

“Denver II Uşaq İnkişafına Dəstək Assosiasiyası" Ictimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi  ilə “Uşaqların Denver II metodologiyası ilə qiymətləndirilməsi” layihəsini icra edib. 

Layihənin məqsədi uşaqlarla işləyən mütəxəssislər arasında əlilliyi müəyyən edilmiş uşaqların denver metodologiyası vasitəsilə qiymətləndirilmənin təbliği və öyrədilməsidir. Erkən yaşlarda ölçmə və qiymətləndirmə uşaqların bütün inkişafı haqqında məlumat əldə etmək, təlim prosesində uşağın inkişafını izləmək və xüsusi qayğıya ehtiyacı olan uşaqları müəyyən etmək üçün istifadə olunur. Denver testi uşaqların yaşına uyğun bacarıqlar əldə edib-etmədiyini müəyyən etmək üçün nəzərdə tutulub.

Layihə çərçivəsində ali təhsil müəssisələrinin sosial iş ixtisasında təhsil alan fəal gənclər üçün təlimlər keçirilmişdir. Təlimlər vasitəsilə sosial işçilər arasında  Denver  skrininq metodologiyasının tətbiqi öyrənmişlər.

Gələcək əmək bazarında yer alacaq sosial işçilər təcrübələrində Denver metodologiyasını tətbiq etməklə uşaqların sağlamlığında olan problemləri erkən aşkara çıxara biləcəklər.