İstanbulda parkda 5 uşağı elektrik vurub

İstanbulun Bağcılar rayonunda yerləşən Plevne parkında bədbəxt hadisə baş verib. Bu barədə Türkiyə KİV məlumat yayıb.

Bildirilib ki, məktəbdən sonra parka gələn beş uşaq miniatür attraksionlardan istifadə edərkən onları elektrik cərəyanı vurub.

Əraziyə dərhal polis və təcili tibbi yardım əməkdaşları cəlb olunub. İlk tibbi yardım göstərildikdən sonra uşaqlar yaxınlıqdakı xəstəxanalara aparılıb. Onların vəziyyətlərinin yaxşı olduğu bildirilir.