ABŞ-yə məxsus "MQ-9 Reaper" Koreya sahillərində qəzaya uğrayıb

Amerikaya məxsus "MQ-9 Reaper" tipli pilotsuz uçuş aparatı Koreya Respublikasının qərb sahillərində, Kunsan hava bazası yaxınlığında dənizə düşüb.Bu barədə Yonhap agentliyi məlumat yayıb.

Bildirilib ki, insident yerli vaxtla saat 04:35 radələrində Maldori adası yaxınlığında baş verib.

ABŞ ordusu yerli sakinlər arasında itki və ziyanın olmadığını açıqlayıb. Hadisə ilə bağlı araşdırma aparılır, pilotsuz aparatın axtarış-xilasetmə əməliyyatı isə davam edir.