132 min üzv qlobal texnologiya mübadiləsini gücləndirir - SPE rəhbəri

SPE dünya üzrə üzvlərinin sayı 132 minə yaxınlaşır və əsas missiyası enerji sektorunda qlobal bilik və texnologiya mübadiləsini sürətləndirməkdir.  Bunu Society of Petroleum Engineers (SPE) başçısı, və Colorado School of Mines neft mühəndisliyi fakültəsinin rəhbəri olan Jennifer L. Miskimins bildirib

“Bakıda fəaliyyət göstərən bölmə də daxil olmaqla, 200-dən çox peşəkar bölməmiz, 400-dən artıq tələbə bölməmiz var. Üzvlərimizin yarısını peşəkarlar, digər yarısını tələbələr təşkil edir,” — Miskimins qeyd edib.  

Onun sözlərinə görə, SPE-nin “Solutions. People. Energy.” şüarı mütəxəssisləri bir araya gətirmə və texnologiya transferini gücləndirmə missiyasını əks etdirir.  

Miskimins həmçinin əlavə edib ki, təşkilatın 24 texniki bölməsi müxtəlif ixtisas sahələri üzrə qlobal əməkdaşlıq və fikir mübadiləsi üçün mühüm platformadır.  

“Sizin buradakı iştirakınız sahəmizin inkişafına olan ortaq öhdəliyin göstəricisidir. Ümid edirəm ki, konfrans hamınız üçün məhsuldar və yadda qalan olacaq,” — SPE rəhbəri vurğulayıb.  

N.Təbrizli