Məhkəmə sistemi qadınlara qarşı zorakılıq məsələlərinə daha çox diqqət ayırmalıdır - Deputat

Deputat Hicran Hüseynova qadınlara qarşı zorakılığa qarşı mübarizədə maarifləndirmə və məhkəmə nəzarətinin gücləndirilməsinin vacibliyini vurğulayıb. Bu barədə deputat Milli Məclisdə çıxışı zamanı bildirib. 

Hüseynova bildirib ki, ölkədə qanunvericilik baxımından ciddi irəliləyişlərə baxmayaraq, zorakılıq halları hələ də mövcuddur.

O qeyd edib ki, məhkəmə sistemində bu məsələyə kifayət qədər diqqət yetirmirlər və bir çox hallarda mövcud qanunlardan istifadə olunmur.

“Azərbaycan bu sahədə qanunvericilik üzrə qabaqcıl ölkələrdən biridir. Ailə dəyərlərimizə yaraşmayan zorakılıq həm ailə, həm də cəmiyyət üçün təhlükəlidir,” – Hüseynova bildirib.

O, əlavə edib ki, maarifləndirmə işləri genişləndirilməli və məhkəmə sistemi bu məsələyə daha ciddi yanaşmalıdır.

Bu gün International Day for the Elimination of Violence against Women – Qadınlara qarşı zorakılığa son qoymaq üçün Beynəlxalq Gün qeyd olunur.

Gülnar Nazimqızı