Polis bir gündə 33 cinayəti açıqlayıb, 267 axtarışda olan şəxs saxlanılıb

Azərbaycanda noyabrın 25-də qeydə alınan 29 cinayət və əvvəlki dövrlərdən bağlı qalan 4 hadisə polis tərəfindən açılıb. Bu barədə Daxili İşlər Nazirliyindən bildirilib.

Ölkə üzrə 267 axtarışda olan şəxs saxlanılaraq aidiyyəti üzrə təhvil verilib.

DİN-in Mətbuat Xidmətinin məlumatına görə, saxlanılanlar arasında 232 nəfər borclu şəxs qismində axtarışda olanlardır. Həmin gün hüquq-mühafizə orqanları narkotiklərlə bağlı 13 fakt və qanunsuz saxlanılan silah-sursatla bağlı 8 hal aşkarlayıb.

Habelə cinayət törətməkdə şübhəli bilinən 37 nəfər polis əməkdaşları tərəfindən saxlanılıb.

Aytac