Həyat yoldaşına xəsarət yetirərək ölkədən qaçan şəxs Çində saxlanılıb

Noyabrın 24-də Xətai rayonunda həyat yoldaşına kəsici alətlə ağır xəsarət yetirərək ölkədən qaçan Rüstəm İbrahimov Çin Xianyang şəhərində saxlanılıb. Bu barədə Daxili İşlər Nazirliyi bildirib.

Araşdırmalar göstərib ki, 1969-cu il təvəllüdlü İbrahimov hadisədən sonra əvvəlcə Türkiyə istiqamətində çıxış edib, daha sonra Çinə gedib.

DİN əməkdaşları Çin hüquq-mühafizə orqanları ilə birgə həyata keçirilən əməliyyat nəticəsində onun tutulmasını təmin edib. Hazırda İbrahimovun Azərbaycana gətirilməsi üzrə tədbirlər davam edir.