Sabahdan bu yollar piyadalar üçün bağlı olacaq

27 noyabr tarixindən “Çinarlı” yaşayış kompleksini Abay Kunanbayev küçəsi ilə birləşdirən avtomobil və piyada tunellərinin tikintisi ilə bağlı mövcud yeraltı piyada keçidi müvəqqəti olaraq bağlanıb. Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Agentliyin açıqlamasına görə, mövcud keçid layihədə nəzərdə tutulmuş avtomobil tuneli ilə kəsişdiyi üçün tikinti-quraşdırma işləri dövründə piyadaların hərəkəti məhdudlaşdırılacaq.

Yeni piyada keçidinin tikintisi tamamlandıqdan sonra sərnişin axını bərpa ediləcək.