“e-sosial” internet portalından 13,8 milyon dəfə istifadə olunub

Azərbaycan Əmək və Əhalinin Sosial Müdafiəsi Nazirliyinin “e-sosial” portalında qeydiyyatdan keçən aktiv istifadəçilərin sayı 2,7 milyona çatıb. Bu ilin 10 ayında portaldan 13,8 milyon dəfə istifadə edilib. Bu barədə nazirlikdən bildirilib. 

2019-cu ildə istifadəyə verilən portal vətəndaşlara əmək müqaviləsi, fərdi uçot, pensiya kapitalı və digər sosial təminat məlumatlarına çıxış imkanı verir və onların sosial-əmək hüquqlarının təminatına nəzarət etməyə imkan yaradır. Portal üzərindən həmçinin pensiya, müavinət, təqaüd, əlillik, reabilitasiya, məşğulluq və iş yeri barədə elektron arayışlar əldə etmək mümkündür.