2026-cı ildə büdcədə qeyri-neft gəlirlərinin payı 63%-ə yüksələcək - Nazir

2026-cı ildə Azərbaycanın icmal büdcəsində qeyri-neft gəlirlərinin payı 5 faiz bəndi artaraq 63%-ə çatacaq. Bunu Milli Məclisin büdcə müzakirələri zamanı maliyyə naziri Sahil Babayev deyib. 

Milli Məclisdə çıxış edən nazirin sözlərinə görə, gələn il icmal büdcə gəlirlərinin böyük hissəsi – təxminən üçdə ikisi – artıq qeyri-neft sektorundan formalaşacaq. Hökumət 2029-cu ilə qədər bu göstəricinin 69–70%-ə yüksələcəyini gözləyir.

Nazir qeyd edib ki, dövlət büdcəsində qeyri-neft gəlirlərinin payı hazırda 57%-dir. Ümumi vergi daxilolmaları üzrə qeyri-neft vergilərinin payı isə 79%-ə çatır və bu, son 20 ilin ən yüksək göstəricilərindən biridir.

Gülnar Nazimqızı