Cəmiyyətin inkişafında təhsil ön plandadır- Nazir

Rəqəmlərin arxasında müxtəlif mərhələlərdə çətinliklərlə üzləşən insanların taleyi dayanır.  Bunu elm və təhsil naziri Emin Əmrullayev bildirib. 

“Bu məsələdə əsas yanaşma insan amilinin ön planda tutulması və hər bir vətəndaşın real ehtiyaclarının nəzərə alınması olmalıdır. Cəmiyyətin inkişafında mədəniyyət və təhsil bir-biri ilə sıx bağlıdır. Təhsilin ilkin, orta və ali pillələrində mövcud olan imkanlar ümumi səviyyəni formalaşdırır. Təhsil imkanlarının məhdudluğu isə bilik və bacarıqların inkişafına birbaşa təsir göstərir və bu, müxtəlif sahələrdə fərqlərin yaranmasına səbəb olur.

Nazir vurğulayıb ki, əhsil mərhələlərinə ayrı-ayrılıqda deyil, vahid sistem kimi yanaşmaq daha səmərəlidir. 

“Bu yanaşma hər bir mərhələnin keyfiyyətinin yüksəldilməsinə, eyni zamanda prosesdə iştirak edən insanların layiq olduqları dəyəri almalarına şərait yaradır. Hər bir həlqə öz funksiyası ilə ümumi sistemdə mühüm yer tutur və cəmiyyətin davamlı inkişafında əsas rol oynayır”,- nazir əlavə edib.
 

Aytac