Gön-dərinin toplanması ilə bağlı çətinliklər var

Azərbaycanda gön-dərinin toplanması ilə bağlı çətinliklər var.  Bunu kənd təsərrüfatı nazirinin müşaviri Zaur Əliyev deyib. 

"Məhsul subsidiyası ilə bağlı gön-dəri sahəsi, yəni dəri toplanması istiqaməti ilə bağlı bir təşəbbüs həyata keçirəcəyik. Ölkədə kəsilən heyvan sayları və mövcud dərinin istifadə imkanları vəziyyətinə baxdıqda qeyd eləyə bilərik ki, heyvandarlıq məhsulları ixracında gön-dəri ixracı xüsusi əhəmiyyətə malikdir. Belə ki, 2024-cü ildə təxminən 8 milyon ABŞ dolları məbləğində gön-dəri ixracından ölkəyə vəsait daxilolması olub. Satılan dərilərin miqdarı isə ölkədə mövcud kəsimdən formalaşan iri buynuzlu heyvanlarda 30-35% civarındadır, xırda buynuzlu heyvanlarda hətta 20%-in altındadır", - 0 bildirib. 

Əliyev vurğulayıb ki, ölkədə gön-dərinin toplanması ilə bağlı müəyyən çətinliklər var.

Aytac Zeynalova