Astaranın bəzi kəndlərində işıq olmayacaq

Bu gün Astara rayonunun bir sıra yaşayış məntəqələrində elektrik enerjisinin verilişində iki saatlıq məhdudiyyət olacaq.

“Azərişıq” ASC-nin məlumatına görə, Astara Elektrik Şəbəkəsinin 110/35/10 kV-luq “Astara” yarımstansiyasından çıxan 35 kV-luq “Lovayın” hava xəttində aparılacaq təmir işləri ilə əlaqədar saat 11:00-dan 13:00-dək elektrik enerjisi müvəqqəti dayandırılacaq.

Məhdudiyyət Hamoşam, Kakalos, Qamışoba, Lovayın, Maşxan, Pensər, Siyaku, Şahağac, Şəmətük, Şiyəkəran, Təngərud, Toradi kəndlərini, eləcə də Kijəbə qəsəbəsinin bir hissəsini əhatə edəcək.

Qurum bildirir ki, təmir işləri başa çatdıqdan sonra ərazilər daha keyfiyyətli və dayanıqlı elektrik enerjisi ilə təmin olunacaq.