Azərbaycan və Türkiyə universitetləri arasında əməkdaşlıq imkanları müzakirə olunub

Azərbaycanın elm və təhsil naziri Emin Əmrullayev Bakıda Türkiyənin aparıcı ali təhsil müəssisələrinin rəhbərləri ilə görüşüb. Görüş Azərbaycan Memarlıq və İnşaat Universitetinin 50 illik yubileyi çərçivəsində keçirilib.

Tərəflər iki ölkənin universitetləri arasında əməkdaşlıq imkanlarını, birgə layihələri, tələbə və müəllim mübadiləsini, eləcə də ali təhsil sahəsində inkişaf perspektivlərini müzakirə ediblər. Əmrullayev Azərbaycan–Türkiyə təhsil əməkdaşlığının genişləndirilməsinin vacibliyini vurğulayıb.

Türkiyə universitetlərinin rəhbərləri də mövcud əməkdaşlıqdan məmnunluqlarını ifadə edərək qarşılıqlı səfərlərin və birgə təşəbbüslərin artırılmasının əhəmiyyətini qeyd ediblər.