Dövlət Vergi Xidmətinin rəisi iki yeni müşavir təyin edib

Azərbaycan Dövlət Vergi Xidmətinin rəisi Orxan Nəzərli özünə iki yeni müşavir təyin edib.

APA-nın əldə etdiyi məlumata görə, İnsan resursları baş idarəsinin rəisi Aytən Kərimova Dövlət Vergi Xidmətinin rəisinin müşaviri vəzifəsinə gətirilib.

Məlumata görə, Strateji planlaşdırma və təşkilati risklərin idarə olunması baş idarəsinin rəisi Fərid İsayev də müşavir postuna təyin edilib.

Bununla da Dövlət Vergi Xidməti rəisinin müşavirlərinin sayı dördə yüksəlib.