Tələbə krediti ən uğurlu layihələrdən biridir- Səbuhi Rzayev

Təhsil Tələbə Krediti Fondu tərəfindən həyata keçirilən tələbə krediti mexanizmi ölkədə təhsilin maliyyələşdirilməsi sahəsində ən uğurlu layihələrdən biri hesab olunur. Bunu bu gün Bakıda keçirilən Təhsil Tələbə Krediti Fondunun 4 illik fəlaiyyətinə dair həsabat tədbirində Elm və Təhsil Nazirliyinin İctimaiyyətlə əlaqələr və kommunikasiya şöbəsinin müdiri Səbuhi Rzayev bildirib.

Onun sözlərinə görə, 2026-cı il üçün qarşıya qoyulan əsas hədəflərə artıq nail olunub.

“Bu gün həm kəmiyyət, həm də keyfiyyət baxımından ciddi müsbət dəyişikliklər müşahidə olunur. Tələbə kreditlərinə çıxış genişlənib, mexanizm daha çevik və funksional formaya gətirilib,” – Rzayev qeyd edib.

O bildirib ki, növbəti mərhələdə əsas diqqət ali təhsil müəssisələrində təhsilin keyfiyyətinin artırılmasına yönəldiləcək. 

Onun sözlərinə görə, maliyyə alətlərinin effektivliyi birbaşa təhsil mühitinin və akademik keyfiyyətin yüksəldilməsi ilə tamamlanmalıdır.

Gülnar Nazimqızı