Zelenski Milad təbrikində Putinə ölüm arzuladı

Ukrayna Prezidenti Vladimir Zelenski Milad təbrikində bayram ərəfəsində edilən səmimi arzuların Tanrı tərəfindən eşidilə biləcəyinə dair ənənəvi inanca toxunub.

“Bu gün hamımızın bir arzusu var. Onun ölməsini arzulayırıq. Hər kəs bunu özünə deyəcək, amma Allaha üz tutanda, əlbəttə ki, daha geniş bir arzu diləyirik. Ukrayna üçün sülh diləyirik. Bunun üçün mübarizə aparırıq və dua edirik”, -  Zelenski kimi nəzərdə tutduğunu dəqiqləşdirmədən bildirib.

Ukrayna mediası çıxışı Rusiyanın Ukraynaya qarşı müharibəsi kontekstində şərh edib.

Milad müraciəti Zelenskinin müharibənin mümkün sona çatması ilə bağlı çağırışları fonunda səslənib. O, bu həftə ilk dəfə olaraq 20 maddəlik planını təqdim edib.

Gülnar