Parlamentdə taksilərin avtobus zolağına girməsi təklif olunur

“Avtomobil nəqliyyatı haqqında” qanuna əsasən taksilər ictimai nəqliyyat vasitəsi sayılır və beynəlxalq təcrübədə taksilərin avtobus zolaqlarından istifadəsi geniş tətbiq olunur. Bunu deputat Vasif Qafarov bildirib.

Qafarov təklif edib ki, Bakı şəhərində rəsmi platformalarda qeydiyyatda olan taksilərə avtobus zolaqlarından istifadə hüququ verilsin.

Deputatın sözlərinə görə, bu addım şəhərdə nəqliyyatın intellektual idarə olunmasını gücləndirəcək, tıxac yükünü azaldacaq və vətəndaş məmnunluğunu artıracaq.

Gülnar Nazimqızı