Mina xəritələrinin təmin edilməsi 2020-ci ildən Azərbaycan üçün prioritet istiqamət olub- XİN rəsmisi

Mina xəritələrinin təmin edilməsi 2020-ci ildən Azərbaycan üçün prioritet istiqamət olub. Bunu xarici işlər naziri Ceyhun Bayramov ilin yekunlarına dair mətbuat konfransında bildirib.

Nazir qeyd edib ki, işlər ilk aylarda intensiv aparılıb və ilk xəritələr 8 ay sonra təqdim edilib. Bu proses bu gün də davam edir və 2026-cı ildə də Azərbaycan mina xəritələrinin təmin edilməsinə israr edəcək.

Bayramov bildirib ki, ölkədə 415 nəfər mina qurbanı olub, onlardan 71 nəfər həlak olub və çoxu mülki şəxslərdir.

Ermənistanın mövqeyinə görə, artıq xəritələr Azərbaycana təqdim edilib, lakin məlumatların düzgünlüyü ilə bağlı rəy vermək doğru olmaz. Nazir minalarla bağlı vəziyyətin hələ də gərgin olduğunu vurğulayıb və bildirib ki, minalardan tam xilas olmaq üçün illər lazım olacaq.

Gülnar Nazimqızı