Türkiyədə iki hərbi vertolyot qəzaya uğrayıb, ölənlər var

Ankaranın Gölbaşı qəsəbəsində hərbi helikopterin qəzaya uğraması nəticəsində 4 əsgər şəhid olub.

APA-nın türkiyə mətbuatına istinadən xəbərinə görə, qəzaya səbəb vertolyotun yüksək gərginlikli elektrik xətlərinə toxunması olub.

Olay yerinə gələn vətəndaşların, həkim və xilasedicilərin səylərinə baxmayaraq, helikopterdə olan hərbçilərin həyatını xilas etmək mümkün olmayıb.

Türkiyə Silahlı Qüvvələrinin Baş Qərargahının yaydığı açıqlamada hadisə ilə bağlı araşdırmaların aparıldığı bildirilib.

Qeyd edək ki, bu gün Mardin yaxınlığında da hərbi helikopterin qəzaya uğradığı bildirilir.

APA