"Qarpız" yükünün içərisində xüsusilə külli miqdarda narkotik vasitə aşkarlanıb

Astarada İrandan Rusiyaya gedən "qarpız" yükünün içərisində külli miqdarda narkotik vasitə aşkarlanıb.Bu barədə Dövlət Gömrük Komitəsindən məlumata verilib.

Bildirilib ki,Astara Gömrük İdarəsinin əməkdaşları tərəfindən Azərbaycan ərazisindən tranzit keçməklə İrandan Rusiyaya “təzə qarpız” yükü aparan nəqliyyat vasitəsinə gömrük baxışı keçirilib.Kinoloji xidmət iti qarpız olan yeşiklərə reaksiya verdiyindən yük əsaslı yoxlamaya cəlb edilib.Bu zaman qutulardakı 12 ədəd qarpızın içərisində gizlədilmiş, xalis təmiz çəkisi 27 kiloqram 845 qram narkotik vasitə-həşiş aşkar edilib.

Faktla bağlı araşdırma aparılır.