Çindən Bakıya ilk Trans-Xəzər yük qatarı yola düşüb

Çin Enerji İnşaat Korporasiyasına (“China Energy Engineering Group”) məxsus 45 konteynerlik fotovoltaik modullarla yüklənmiş Çin–Avropa yük qatarı Sian şəhərindən yola çıxıb. Bu barədə Azərtac məlumat yayıb. 

Yanvarın 1-də yola düşən qatar Trans-Xəzər beynəlxalq nəqliyyat dəhlizi və ya Orta Dəhliz vasitəsilə Horqos sərhəd-buraxılış məntəqəsindən Qazaxıstanı keçərək Xəzər dənizi yolu ilə Bakıya çatacaq.

Trans-Xəzər dəhlizi üzrə daşınma müddəti əvvəlki 15–23 gündən təxminən 11 günədək qısalaraq, qatarların hərəkəti daha da intensivləşib. 2019-cu ilin oktyabrından istifadədə olan marşrut üzrə 2025-ci ilin noyabrın sonuna qədər 466 qatar reysi həyata keçirilib.