2025-ci ildə Səfərbərlik Xidmətində 9 əməkdaş ehtiyata buraxılıb

2025-ci il ərzində Səfərbərlik Xidmətində əməkdaşların qeyri-qanuni hərəkətləri və vəzifə səlahiyyətlərindən sui-istifadə halları ilə bağlı 9 əməkdaş mənfi əsaslarla ehtiyata buraxılıb və ya əmək müqaviləsinə xitam verilib. Bu barədə Səfərbərlik və Hərbi Xidmətə Çağırış üzrə Dövlət Xidməti məlumat verib.

Məlumata görə, ötən il ümumilikdə 44 fakt üzrə 93 nəfər barəsində toplanmış materiallar prosessual qərar qəbul edilməsi məqsədilə Azərbaycan Baş Prokurorluğuna göndərilib.